Զաալ Ուդումաշվիլի. Արտակարգ ռեժիմի անցնելը նկատի ունի, որ մենք գնալու ենք յուրաքանչյուր քաղաք, գյուղ, յուրաքանչյուր ընտանիք և մեկ անգամ ևս համոզելու ենք բնակչությանը, որ այս պայքարն իրոք իմաստ ունի
Արտակարգ ռեժիմի անցնելը նկատի ունի, որ մենք գնալու ենք յուրաքանչյուր քաղաք, գյուղ, յուրաքանչյուր ընտանիք և մեկ անգամ ևս համոզելու ենք բնակչությանը, որ այս պայքարն իրոք իմաստ ունի, քանի որ մեր թիկունքում ճշմարտությունն է, – Վրաստանի խորհրդարանի մոտ իր ելույթի ժամանակ ասաց «Ազգային շարժման» անդամ Զաալ Ուդումաշվիլին:
Զաալ Ուդումաշվիլիի խոսքով, նդդիմությունը անցնում է աշխատանքի արտակարգ ռեժիմի:
«Իշխանությունը երես է թեքել Եվրոպայից և հրաժարվել դադարեցնել երկրում առկա վտանգավոր բևեռացումը և քաղաքական ծանր ճգնաժամը: Այս քայլով «Վրացական երազանքը» հրաժարվեց այն հնարավորությունից, որ երկիրը չունենա ընտրություններ գողացված իշխանություն, բայց ունենար լեգիտիմ, գործելու իր իրավասության և խղճի սահմաններում, գործելու երկրի շահերից բխող իշխանություն: Այս քայլով «Վրացական երազանքը» հրաժարվեց քաղաքական հետապնդումներից, կատարեց հիմնարար աշխարհաքաղաքական ընտրություն, որն ուղղակիորեն հետևում է Ռուսաստանի արտաքին հետախուզական ծառայության ղեկավար Սերգեյ Նարիշկինի գծին և երես թեքեց Եվրոպայի օգնությունից:
Մենք՝ ամբողջ ընդդիմադիր սպեկտրը, այն քաղաքական կուսակցությունները, որոնց նույնիսկ «Վրացական երազանքի» հաշվարկած արդյունքների համաձայն, աջակցել է Վրաստանի մեծամասնությունը, հայտարարում ենք, որ մեր թիկունքում Վրաստանն է, մեր թիկունքում՝ Վրաստանի եվրոպական ապագան, որի համար մեր համաքաղաքացիները դարեր շարունակ պայքարել են: Մեր հետեւում կանգնած է արդարության, հավասարության վրա հիմնված պետության գաղափարը, ըստ որի՝ մենք պետք է վերջ դնենք մեր քաղաքական հետապնդումներին և ընտրությունների միջոցով իշխանության բռնազավթմանը:
Այսուհետ ընդդիմությունը անցնում է աշխատանքի արտակարգ ռեժիմի, ինչը նշանակում է, որ մենք գնալու ենք յուրաքանչյուր քաղաք, գյուղ, յուրաքանչյուր ընտանիք և մեկ անգամ ևս համոզելու ենք բնակչությանը, որ այս պայքարն իրոք իմաստ ունի, քանի որ մեր թիկունքում ճշմարտությունն է: Այս ընթացքում մի շարք հանրահավաքներ կանցկացվեն ինչպես Թբիլիսիում, այնպես էլ մարզերում: Այնուամենայնիվ, մենք կհավաքվենք այստեղ՝ Ռուսթավելի պողոտայում, և դա տեղի կունենա մայիսի 15-ին: Ընդդիմությունը անցնում է բողոքի շարունակական ռեժիմի: Դա կլինի կոշտ, շարունակական բողոք, որն ի վերջո կհանգեցնի հաղթանակի, որը դրական փոփոխություններ կբերի երկրին», – ասաց Զաալ Ուդումաշվիլին:
