Իսրայելը կանգնած է մեկուսացման վտանգի առաջ, և Բեռլինը փորձում է դա կանխել, – այս մասին Իսրայել այցի ժամանակ հայտարարել է Գերմանիայի արտգործնախարար Յոհան Վադեֆուլը։

«Իսրայելը միշտ պետք է գտնի ընկերներ, գործընկերներ և աջակիցներ միջազգային հանրությունում, և այս իրավիճակում դա վտանգված է։ Եթե կա մի երկիր, որի վրա դրված է այս վտանգը կանխելու պարտականությունը, ապա, իմ կարծիքով, դա Գերմանիան է», – նշել է Գերմանիայի արտաքին գործերի նախարարի ղեկավարը։

Վադեֆուլը Գազայի հատվածում ստեղծված հումանիտար իրավիճակը անվանել է «անհավատալի» և ընդգծել, որ Իսրայելը պետք է ցույց տա, որ Պաղեստինի տարածքներում չի իրականացնում «արտաքսման» և «անեքսիայի» քաղաքականություն։ Յոհան Վադեֆուլը նաև հայտարարել է, որ Իսրայելն ունի պատասխանատվություն՝ Գազա հումանիտար և բժշկական օգնությունը հասցնել արագ, անվտանգ և բավարար քանակով՝ զանգվածային մահերը կանխելու համար։