Եվրոպայում վատ եղանակային պայմանների պատճառով երկու մարդ է զոհվել
Եվրոպայում երկու մարդ է մահացել անբարենպաստ եղանակային պայմանների պատճառով։ Ըստ հաղորդագրությունների՝ մահացածները Իտալիայի քաղաքացիներ են։ Նրանցից մեկը՝ 47-ամյա տղամարդ, հիվանդացել է շինհրապարակում ուժեղ շոգից, իսկ երկրորդ մահացածը 70-ամյա տղամարդ է, որը մահացել է Թուրինում տեղի ունեցած ջրհեղեղի ժամանակ։
Պորտուգալիայում և Իսպանիայում հունիս ամսվա համար գրանցվել է ռեկորդային բարձր՝ 46.6 աստիճան ջերմաստիճան։
Օդերևութաբանները կանխատեսում են ջերմաստիճանի աննշան անկում առաջիկա օրերին, չնայած այն ավելի կբարձրանա Բալկաններում, Իտալիայում և Հունաստանում։
Այսօր Ֆրանսիայում սպասվում են ուժեղ ջերմային ալիքներ։ Երկրի 16 դեպարտամենտներում, այդ թվում՝ մայրաքաղաքում, հայտարարվել է կարմիր տագնապի մակարդակ։ Էյֆելյան աշտարակը ժամանակավորապես կփակվի։