Եվրամիության «Արևելյան գործընկերության» կայքում հրապարակված տեղեկատվության համաձայն՝ «Արձագանք Վրաստանի համար՝ ուժեղ և ակտիվ քաղաքացիական հասարակություն՝ փոխակերպման համար» ծրագիրը մեկնարկել է այս տարվա փետրվարի 1-ին և կավարտվի 2027 թվականի հունվարի 31-ին։ Ծրագրի ֆինանսավորման համար հատկացվել է 1 568 328 եվրո։

Հաղորդվում է, որ ծրագիրը ուժեղացնում է տեղական քաղաքացիական հասարակության ճկունությունը Վրաստանի շրջաններում՝ հնարավորություն տալով նրանց լուծել ընթացիկ մարտահրավերները և խթանել ժողովրդավարական կառավարումը և քաղաքացիական ներգրավվածությունը ողջ երկրում:

Հաղորդագրության համաձայն՝ ծրագիրը զարգացնում է համագործակցությունը քաղաքացիական հասարակության, բիզնեսի, լրատվամիջոցների և հասարակ քաղաքացիների միջև։ Հայտարարության մեջ նշվում է, որ քաղաքացիական հասարակությանն աջակցելու և երկրում ժողովրդավարական արժեքների զարգացման գերնպատակին համապատասխան՝ Վրաստանի 10 շրջաններում ստեղծվել են քաղաքացիական հասարակության կենտրոններ՝ որպես ոլորտի գործառական ինստիտուցիոնալ ողնաշար։

Ծրագիրն ունի երկու նպատակ. 1. Ամրապնդել կապերը քաղաքացիական հասարակության դերակատարների և այլ շահագրգիռ կողմերի, ներառյալ տեղական բիզնեսների, լրատվամիջոցների և լայն հասարակության միջև, և պատրաստել նրանց կառավարության հետ բովանդակալից երկխոսության, երբ պայմանները թույլ տան. 2. Ամրապնդել քաղաքացիական հասարակության տեղական դերակատարների ինստիտուցիոնալ կարողությունները, մասնավորապես բարելավելով նրանց ֆինանսական դիվերսիֆիկացման ռազմավարությունները և համայնքային հարաբերությունների ջանքերը:

Ծրագիրն ընդգրկում է 500 կազմակերպված խմբեր մարզերում, 3000 քաղաքացիներ մարզերում և 50 տնտեսվարող սուբյեկտներ ողջ հանրապետությունում: