Եվրոպական հանձնաժողովը ողջունում է Հունգարիայի վարչապետ Վիկտոր Օրբանի՝ «Դրուժբա» նավթատարը ստուգելու համար հանձնաժողով ստեղծելու գաղափարը։

Այս մասին հայտարարել է Եվրոպական հանձնաժողովի խոսնակ Աննա-Կայսա Իտկոնենը։

«Մենք ողջունում ենք վարչապետ Օրբանի պատրաստակամությունը նման առաքելություն ուղարկելու և համաձայն ենք դրա եզրակացությունների հետ։ Սա դրական քայլ է», – ասել է Իտկոնենը։

Ինչպես նշել է խոսնակը, այժմ պետք է ձեռնարկվեն հետագա քայլեր այն ձևաչափի վերաբերյալ, որով կկազմավորվի առաքելությունը։

«Մենք կապի մեջ ենք Ուկրաինայի կառավարության հետ այս հարցի շուրջ և շարունակում ենք աշխատել մեր անդամ պետությունների հետ՝ մատակարարման անվտանգությունն ապահովելու համար։ Միևնույն ժամանակ, մենք ակնկալում ենք, որ ԵՄ բոլոր առաջնորդները կկատարեն Եվրոպական խորհրդի նիստում ստանձնած պարտավորությունները», – ասել է խոսնակը։