Եվրոբասկետ 2025 | Վրաստանի ազգային հավաքականը այսօր կմրցի Կիպրոսի հետ՝ ուղիղ հեռարձակում Վրաստանի Առաջին ալիքով #1TVSPORT
Վրաստանի հավաքականը Եվրոբասկետի շրջանակներում այսօր կմրցի Կիպրոսի հետ, Թբիլիսիի ժամանակով ժամը 19:15-ին: Ուղիղ հեռարձակումը կապահովեն Վրաստանի «Առաջին ալիքը» և «Առաջին ալիք սպորտը»:
Հաջորդ փուլ անցնելու համար անհրաժեշտ է հաղթանակ Կիպրոսի դեմ: Նշենք, որ վեց թիմանոց խմբից չորս թիմ կանցնեն 1/16-րդ փուլ: Վրաստանն ունի մեկ հաղթանակ:
Մարզիչ Ալեքսանդր Զիկիչը վերջին տուրում առաջատարներին հանգստանալու հնարավորություն տվեց Հունաստանի դեմ խաղում. Գոգա Բիթաձեն չխաղաց, իսկ Թորնիկե Շենգելիան խաղադաշտում անցկացրեց ընդամենը մի քանի րոպե:
Այնուհետև սերբ մասնագետն ասաց, որ թիմը հստակ գիտի, թե որն է իր նպատակը և ինչ է անհրաժեշտ արդյունքի հասնելու համար: Կիպրոսի հավաքականը ներկայիս Եվրոբասկետի ամենաթույլ թիմերից մեկն է, տանտերերի թիմը վերջին երեք խաղերում պարտվել է առանց մրցակցության: Վրաստանի հավաքականը առաջին փուլում հաղթել է Եվրոպայի գործող չեմպիոն Իսպանիային, ապա պարտվել է Իտալիային և Հունաստանին: