Եվրախորհրդի Խորհրդարանական վեհաժողովի իրավական և մարդու իրավունքների հանձնաժողովը պաշտպանել է Գիվի Միկանաձեի նախաձեռնած բանաձևը
Եվրախորհրդի խորհրդարանական վեհաժողովի իրավական հարցերի և մարդու իրավունքների հանձնաժողովը քննարկել է Վրաստանի խորհրդարանական պատվիրակության անդամ Գիվի Միքանաձեի «Կովիդ-19 համավարակի ազդեցությունը եվրոպական բանտերի բանտարկյալների վրա» զեկույցը։
Խորհրդարանի մամուլի ծառայությունից հայտնում են, որ հանձնաժողովի անդամները դրական են գնահատել զեկույցը, որը քվեարկության կդրվի 2022 թվականի նոյեմբերին Ռեյկյավիկ քաղաքում Եվրոպայի խորհրդի խորհրդարանական վեհաժողովի մշտական հանձնաժողովում։
«Բանաձևի նախագիծը պատրաստել է աշխատանքային խումբը, որը ղեկավարել է Գիվի Միքանաձեն։ Բանաձևի նախագիծը հիմնվել է անդամ 46 երկրների քրեակատարողական հիմնարկներում կատարված հետազոտությունների վրա, որտեղ ուսումնասիրվել է, թե ինչպես են սահմանափակվել բանտարկյալների իրավունքները համավարակի ժամանակ և ինչպես են փոխհատուցվում սահմանափակված իրավունքները։ Հետազոտության նպատակն էր նաև ուսումնասիրել քրեակատարողական հիմնարկներում կանխարգելիչ միջոցառումների իրականացումը և անձնակազմի ներգրավվածությունը նշված գործընթացում։ Բանաձևի նախագիծը պատրաստվել է հետազոտության հիման վրա՝ հաշվի առնելով Եվրոպայի խորհրդի լավագույն փորձը և չափանիշները»,- ասված է խորհրդարանի մամուլի կենտրոնի հաղորդագրության մեջ։