Ադրբեջանի արտաքին գործերի նախարարություն. Մենք լուրջ մտահոգություն ենք հայտնում Իսրայելի կառավարության կողմից այսպես կոչված Հայոց ցեղասպանության ճանաչման վերաբերյալ, նման քայլերը չեն նպաստում հաշտեցմանը և փոխըմբռնմանը
Ադրբեջանի արտաքին գործերի նախարարությունը լուրջ մտահոգություն է հայտնում Իսրայելի կառավարության կողմից այսպես կոչված Հայոց ցեղասպանության ճանաչման վերաբերյալ: Այս մասին ասվում է Ադրբեջանի արտաքին գործերի նախարարության մամուլի ծառայության հայտարարության մեջ:
Նախարարության համաձայն՝ «անընդունելի է 1915 թվականի իրադարձությունների հետ կապված պատմական փաստերի աղավաղումը և բարդ պատմական գործընթացները քաղաքական որոշումների առարկա դարձնելը, որոնք զուրկ են իրավական և գիտական հիմքերից»:
«Նման քայլերը չեն նպաստում հաշտեցմանը և փոխըմբռնմանը: Ընդհակառակը, դրանք սրում են առկա հակասությունները և խոչընդոտում տարածաշրջանում կայուն խաղաղություն և հաշտեցում հաստատելու ջանքերին: Մենք կոչ ենք անում Իսրայելի կառավարությանը վերանայել այս որոշումը: Ադրբեջանը կշարունակի հետևողականորեն պաշտպանել պատմական ճշմարտությունը, հարգել միջազգային իրավունքի սկզբունքները և նպաստել տարածաշրջանում կայուն խաղաղության հաստատմանը», – ասվում է Ադրբեջանի արտաքին գործերի նախարարության հայտարարության մեջ:
Տեղեկության համար, ըստ Իսրայելի արտաքին գործերի նախարար Գիդեոն Սաարի, Իսրայելի կառավարությունը միաձայն աջակցել է «Հայոց ցեղասպանության» պաշտոնական ճանաչմանը: Օրինագիծը կներառվի Քնեսեթի լիագումար նիստի օրակարգում, որտեղ այն կդրվի կքվեարկության։