Եթե Վրաստանը կորցնի Եվրաինտեգրման հնարավորությունները, դրանում պատմությունը կմեղադրի ողջ քաղաքական սպեկտրին. Անդրիուս Կուբիլիուս
Եթե կորի եվրաինտեգրման հնարավորությունը, որն այժմ ունի Վրաստանը, պատմությունը դրա համար կմեղադրի ողջ քաղաքական էլիտային,- այս մասին Եվրախորհրդարանի արտաքին հարաբերությունների հանձնաժողովի նիստում հայտարարել է լիտվացի եվրախորհրդարանական՝ Անդրիուս Կուբիլիուսը:
Նրա խոսքով, Վրաստանի եվրոպական և եվրաատլանտյան կառույցներին ինտեգրվելու հնարավորությունը վտանգի տակ է, եթե քաղաքական կուսակցությունները չկարողանան համաձայնության գալ:
«Քննարկումները շարունակվում են, համենայն դեպս լրատվամիջոցներում լուրեր են պտտվում այն մասին, որ Վրաստանը կարող է ստանալ ՆԱՏՕ-ին անդամակցելու գործողությունների ծրագիրը, ինչպես նաև տեղեկություններ կան այն մասին, որ գոյություն ունի հնարավորություն, որ 2024 թվականին Վրաստանը ֆորմալ դիմում ներկայացնի Եվրամիությանը անդամակցելու վերաբերյալ: Այս բոլոր հնարավորությունները վտանգված են, եթե երկխոսության մեջ համաձայնություն ձեռք չբերվի:
Ես չեմ ուզում լսել այս իրավիճակում ցանկացած կողմի մեղադրանքները, թե ով է մեղավոր: Պատասխանատվությունը կրում են երկու կողմերը: Կարելի է խոսել ընտրախախտումների մասին և դա շտկելու կարիք ունի, սակայն պետք է նաև խոսել այն քաղաքական պատասխանատվության մասին, որը կրում է ամբողջ քաղաքական էլիտան:Եթե կորի եվրաինտեգրման հնարավորությունը, որն այժմ ունի Վրաստանը, պատմությունը դրա համար կմեղադրի ողջ քաղաքական էլիտային», – հայտարարել է Կուբիլիուսը: