որԺամանակին, երբ որոշում էինք կայացնում թեկնածության աջակցության մասին, տիկին Սալոմե Զուրաբիշվիլու հետ հաղորդակցվել ենք բոլոր հարցերով, այդ թվում Օգոստոսի պատերազմի շուրջ,- այս մասին հայտարարել է Վրաստանի խորհրդարանի նախագահ Իրակլի Կոբախիձեն՝ Առաջին ալիքի «Մոամբ – Օրվա թեմա» հաղորդման ժամանակ:

«Մենք ճշտեցինք նրա դիրքորոշումը, քանի որ իհարկե, սա չափանիշներից մեկն էր և նրա թեկնածությանն աջակցելու մասին որոշումը կայացրել ենք այն բանից հետո, երբ համոզվեցինք, որ այս թեմայով մեր դիրքորոշումները համընկնում են»,- հայտարարել է Իրակլի Կոբախիձեն:

Այս հայտարարությամբ է Վրաստանի խորհրդարանի նախագահը պատասխանել հաղորդավարի հարցին, հաղորդակցվել էր արդյոք կառավարող թիմը Սալոմե Զուրաբիշվիլու հետ Օգոստոսի պատերազմի թեմայով:

Նրա խոսքով, Սալոմե Զուրաբիշվիլին կլինի արժանի նախագահ և թե երկրի ներսում, թե դրսում, երկրի շահերը կպաշտպանի հավուր պատշաճի:

«Մենք ճիշտ որոշում ենք կայացրել, որ նախագահական ընտրություններում չենք առաջադրել մեր թեկնածուին և աջակցել են տիկին Սալոմե Զուրաբիշվիլու թեկնածությանը»,- հայտարարել է Կոբախիձեն:

Դրա հետ մեկտեղ, Իրակլի Կոբախիձեի հայտարարությամբ, եթե ոչ այն արկածախնդիր, հանցավոր, թե դավաճան գործողությունները, որոնք իրագործել են անձամբ Սաակաշվիլին և «Ազգային շարժումը» ժողովրդի առջև, Ռուսաստանին իրոք չէր տրվի իր ագրեսիվ սցենարն իրագործելու հնարավորություն: