Վրաստանի վարչապետ Իրակլի Ղարիբաշվիլին կառավարության այսօրվա նիստում շնորհակալություն է հայտնել Վրաստանի բնակչությանը ընտրություններում ցուցաբերած աջակցության համար և նշել, որ կառավարությունն ամեն ինչ կանի այդ վստահությունն արդարացնելու համար։

Ինչպես նշել է վարչապետը, այսօրվանից ուշադրության կենտրոնում կլինի միայն գործը։

«Ուզում եմ ևս մեկ անգամ շնորհակալություն հայտնել մեր ժողովրդին, հասարակությանը հայտարարված վստահության համար և ասել, որ ամեն ինչ անելու ենք նրանց վստահությունն արդարացնելու համար։ Սա շատ պատվաբեր աշխատանք է, բայց ավելի մեծ պատասխանատվություն և, իհարկե, մենք շատ լավ գիտակցում ենք այդ պատասխանատվությունը։ Այսօրվանից պետք է կենտրոնանալ միայն գործի վրա։ Նախարարներին հրապարակավ ուզում եմ ասել, որ այսօրվանից պետք է խոսել միայն գործի մասին, պետք է կենտրոնանալ միայն գործի վրա և այն խոստումների, նախագծերի, նախաձեռնությունների վրա, որոնց մասին խոսել ենք նախընտրական քարոզարշավի ժամանակ, այս առաջընթացի մասին պետք է խոսել 24-ժամյա ռեժիմով աշխատանքը պետք է սկսենք բացարձակ մոտիվացված, նորացված, կրկնապատկված էներգիայով։ Մենք քաջ գիտակցում ենք, որ այսօր ժողովրդի, երկրի առջև ծառացած մարտահրավերներ և չափազանց շատ խնդիրներ կան։ Սրանք աշխատատեղերի պակասն են, աղքատությունը, գործազրկությունը, համավարակը, զբաղմունքները, ուստի մենք կորցնելու ժամանակ չունենք: Մենք պետք է կենտրոնանանք միայն գործի վրա և պետք է աշխատենք 24 ժամ մեր ժողովրդի և երկրի համար»,- ասել է Իրակլի Ղարիբաշվիլին։