Երկհարկանի ավտոբուսը բախվել է Ստոկհոլմի կենտրոնում գտնվող ավտոբուսի կանգառին։ Արդյունքում մի քանի մարդ զոհվել է, կան նաև վիրավորներ։ Այս մասին հաղորդում է Շվեդիայի ոստիկանությունը։

Ստոկհոլմի փրկարարական ծառայության ներկայացուցչի խոսքով՝ միջադեպի հետևանքով վիրավորվել է վեց մարդ։ Բացի այդ, փրկարարական ծառայությունը նշում է, որ միջադեպի պահին ավտոբուսում ուղևորներ չեն եղել։

Ինչպես բացատրել է Շվեդիայի ոստիկանությունը, սա դիտավորյալ հարձակում չէր, չնայած միջադեպի պատճառը հայտնի չէ։ Ոստիկանությունը ձերբակալել է ավտոբուսի վարորդին։ Հետաքննությունը շարունակվում է։

Շվեդիայի վարչապետ Ուլֆ Քրիստերսոնը արձագանքել է միջադեպին։

«Մենք դեռ չգիտենք, թե ինչն է պատճառը, բայց այս պահին իմ մտքերը զոհերի և նրանց ընտանիքների հետ են», – գրել է Քրիստերսոնը սոցիալական ցանցերում։