Երկաթուղային վթարի պատճառով Իսպանիայում հայտարարվել է երեքօրյա սուգ
Երկաթուղային վթարի պատճառով Իսպանիայում հայտարարվել է երեքօրյա սուգ։
Բացի այդ, այսօր գործադուլ կանեն գնացքի մեքենավարները։ Արհմիության տվյալներով՝ ակցիան անցկացվում է երկաթուղային անվտանգությունը պաշտպանելու համար։
«Բի Բի Սի»-ն հրապարակում է վթարի մանրամասները։ Հրատարակության տվյալներով՝ Մադրիդից Սևիլիա եկող երկու արագընթաց գնացքներ շարժվում էին նույն գծով։ Առաջինը՝ Iryo մասնավոր օպերատորի գնացքը, որը տեղափոխում էր 147 ուղևոր, կանգ է առել ճանապարհին՝ համակարգչային խափանման պատճառով։
Տրանսպորտի նախարար Օսկար Պուենտեն ասել է, որ նման դեպքերում Մադրիդում գտնվող 24-ժամյա կենտրոնը ստանձնում է գնացքների կառավարումը: Նրա խոսքով՝ կենտրոնը «անհասկանալի» որոշում է կայացրել և հրամայել է գնացքներին շարունակել իրենց ճանապարհորդությունը առանց արագության սահմանափակումների: Արդյունքում, 397 ուղևոր տեղափոխող պետական Renfe գնացքը հետևից բախվել է կանգնած Iryo գնացքին: Առնվազն 68 մարդ մահացել է: Զոհերի մեծ մասը դեռևս չի նույնականացվել։