Երբ առողջապահության նախարարությունը արձանագրեց, թե ինչ հետևանքներ կարող էին ունենալ փողոցային ցույցերը, ժամանակին տեղի ունեցավ լրացուցիչ մահճակալների կենտրոնացում,- այս մասին համակարգող խորհրդի նիստից հետո հայտարարել է առողջապահության նախարար Էկատերինե Տիկարաձեն:

Կառավարության վարչակազմում կայացած ճեպազրույցում, նախարարը ուշադրությունը կենտրոնացրել է կովիդ հյուրանոցներում հիվանդների բուժման վրա:

Միևնույն ժամանակ, Տիկարաձեի տեղեկությամբ, հոկտեմբերի համեմատ, հիվանդանոցում մնալու ժամկետը կրճատվել է:

«Մենք փորձում ենք կառավարել հոսքը և բժշկական ծառայություններ մատուցել մեր բոլոր քաղաքացիներին: Մենք նաև հոգ ենք տանում հյուրանոցային համակարգի կենտրոնացման համար, որտեղ իրականացնում ենք բժշկական վերահսկողություն: Ես նկատի ունեմ ոչ միայն բժիշկների և բուժքույրերի խումբ, այլ նաև հյուրանոցներն ունեն իրենց վերահսկող կլինիկաներ, որտեղ հիվանդները որոշակի ժամանակահատվածում անցնում են համապատասխան կլինիկական հետազոտություններ, որից հետո նրանց նշանակվում է բուժում: Բացի այդ, հյուրանոցներում հնարավորության դեպքում հիվանդները ստանում են կայունացման բաղադրիչներ, ինչը նշանակում է թթվածնի կոնցենտրատորների միջոցով նրանց թթվածնի մատակարարում:

Մենք նաև խոսեցինք կլինիկաների ներկայացուցիչների հետ մահճակալների ֆոնդի արդյունավետ կառավարման մասին»,- հայտարարել է Էկատերինե Տիկարաձեն: