Ենս Ստոլտենբերգ. Այժմ Ուկրաինայի առաջնահերթությունը ինքնիշխան և անկախ պետություն դառնալն է
Այժմ Ուկրաինայի համար առաջնայինը ինքնիշխան և անկախ պետություն դառնալն է, հարցազրույցում ասել է ՆԱՏՕ-ի գլխավոր քարտուղար Ենս Ստոլտենբերգը։
Ստոլտենբերգը նշել է, որ Ուկրաինան ապագայում կդառնա դաշինքի անդամ։
«Ուկրաինայի առաջնահերթությունը անկախ պետություն դառնալն է, հակառակ դեպքում անդամակցության մասին խոսք լինել չի կարող։ Մենք պետք է համոզվենք, որ երբ այս պատերազմն ավարտվի, Ուկրաինայի անվտանգության վերաբերյալ վստահելի պայմանավորվածություններ կլինեն, որպեսզի Ռուսաստանը չկարողանա վերազինվել և նորից հարձակվել»,- ասել է Ստոլտենբերգը։
ՆԱՏՕ-ի գլխավոր քարտուղարի խոսքով՝ Վիլնյուսի գագաթնաժողովում ՆԱՏՕ-ն օգնության փաթեթ կստանա, որը մի քանի տարի հետո Ուկրաինային կմոտեցնի դաշինքի չափանիշներին։
Բացի այդ, ԱՄՆ-ի նախագահ Ջո Բայդենը նախօրեին հայտարարել էր, որ դեմ է ՆԱՏՕ-ին անդամակցելու ճանապարհին Ուկրաինայի պահանջների պարզեցմանը։