Եմենի «հութիները» հայտարարում են, որ հարձակվել են Սաուդյան Արաբիայի հարավարևմտյան մասում գտնվող ավիաբազայի վրա
Եմենի հութի ապստամբները հայտարարել են, որ հարձակում են գործել Սաուդյան Արաբիայի հարավ-արևմուտքում գտնվող ռազմաօդային բազայի վրա։
Նրանք հայտնել են, որ Խամիս Մուշայթ բազայի վրա հարձակումն իրականացվել է բալիստիկ հրթիռների և անօդաչու թռչող սարքերի կիրառմամբ։
Ըստ հաղորդումների՝ հարվածի հետևանքով վնասվել են բազայի ռադարները, թռիչքուղիները և զինամթերքի պահեստները։
Էր Ռիադը նույնպես արձագանքել է Սաուդյան Արաբիայի վրա հութիների հարձակմանը. երկրի քաղաքացիական պաշտպանության ծառայությունը հորդորել է բնակչությանը զգոնություն ցուցաբերել խմբավորման գործողությունների պատճառով։
Քաղաքացիական պաշտպանության մարմինները քաղաքացիներին խորհուրդ են տվել մնալ փակ տարածքներում և խուսափել բաց տարածքներից ու պատուհանների մոտ գտնվելուց։
Հութիները եմենյան խմբավորում են, որը վերահսկում է երկրի հյուսիսարևմտյան հատվածը։ Նրանք իրենց անվանում են «Անսար Ալլահ» և սերտ կապեր են պահպանում Իրանի հետ։ Լրատվամիջոցների հաղորդմամբ՝ վերջին տարիներին խմբավորումը հաճախակի հարձակումներ է իրականացրել ռազմավարական նշանակություն ունեցող Բաբ էլ Մանդեբի նեղուցով անցնող նավերի վրա։ Անցյալ շաբաթ հաղորդվել էր, որ հութիների շարժումը վերահսկողություն է հաստատել Եմենի՝ Կարմիր ծովին հարող ողջ ափամերձ տարածքի նկատմամբ։