Եմենցի շիա «հութիները» հայտարարում են, որ նախատեսում են հարձակումներ իրականացնել իսրայելական քաղաքացիական ինքնաթիռների վրա
Եմենցի շիա «հութիները» հայտարարում են, որ նախատեսում են հարձակումներ իրականացնել իսրայելական քաղաքացիական ինքնաթիռների վրա։ Այս մասին հաղորդում է արաբական մամուլը։
Հաղորդվում է, որ սպառնալիքը հնչել է այն բանից հետո, երբ Իսրայելի ռազմական ավիացիան ոչնչացրել է Եմենի մայրաքաղաք Սանայի օդանավակայանում մնացած վերջին ինքնաթիռը։
«Հութիների» ներկայացուցիչ Մահդի ալ-Մաշաթը հայտարարել է, որ բոլոր միջազգային ավիաընկերությունները, որոնք շարունակում են թռիչքներ իրականացնել դեպի Բեն Գուրիոնի օդանավակայան, պետք է անհապաղ դադարեցնեն այդ երթուղիները, քանի որ հարձակման վտանգ գոյություն ունի։ «Հութիների» ներկայացուցիչը նշել է, որ Բեն Գուրիոնի օդանավակայանը այլևս չի կարող համարվել անվտանգ։