ԵՄ դեսպանները հաստատել են Ռուսաստանի դեմ պատժամիջոցների 15-րդ փաթեթը։ Փաթեթը ուղղված է Ռուսաստանին և երրորդ երկրների սուբյեկտներին, որոնք անուղղակիորեն նպաստում են Ռուսաստանի ռազմական և տեխնոլոգիական առաջընթացին` շրջանցելով արտահանման սահմանափակումները:

Փաթեթը նախատեսում է, որ պատժամիջոցների ցանկը կընդլայնվի ավելի մեծ թվով ֆիզիկական և իրավաբանական անձանց վրա։ Ընդունված պատժամիջոցները սահմանափակում են երրորդ պետության լրացուցիչ նավերի գործունեությունը, որոնք նպատակ ունեն նպաստելու կամ աջակցելու գործողություններին կամ քաղաքականությանը, որոնք աջակցում են Ուկրաինայի դեմ Ռուսաստանի գործողություններին:

Պատժամիջոցների փաթեթը հավանաբար կքննարկվի դեկտեմբերի 16-ին կայանալիք ԵՄ ԱԳ նախարարների հանդիպմանը։ Եվրոպական հանձնաժողովի կողմից անդամ երկրների համար պատրաստած 15-րդ փաթեթի առաջարկները նախատեսում են պատժամիջոցների ցանկում ավելացնել 29 իրավաբանական և 54 ֆիզիկական անձինք։ Խոսվում է նաեւ Ռուսաստանի «ստվերային նավատորմի» դեմ պայքարի նոր միջոցների մասին, որը ծովով շրջանցում է նավթի գնի առաստաղը։ Պատժամիջոցներ են նախատեսված 45 տանկերի համար: