ԵՄ Արտաքին գործողությունների ծառայություն. «Օտարերկրյա ազդեցության թափանցիկության մասին» օրինագծի հաստատումը անհամատեղելի կլինի Վրաստանի նկրտումներին, ինչպես նաև Եվրամիության նորմերին ու արժեքներին
Եվրամիության արտաքին գործողությունների ծառայությունը հայտարարություն է տարածել «Ժողովրդի ուժ» շարժման «Օտարերկրյա ազդեցության թափանցիկության մասին» օրենքի նախագծի վերաբերյալ։
Ինչպես նշվում է հայտարարության մեջ, այս օրենքի նախագծի հաստատումն անհամատեղելի է լինելու Վրաստանի ձգտումներին, ինչպես նաև Եվրամիության նորմերին ու արժեքներին։
«Արտաքին ազդեցության թափանցիկության մասին» նախաձեռնված օրենքի նախագիծը լուրջ մտահոգություն է առաջացնում։ Քաղաքացիական հասարակության կազմակերպությունների համար բարենպաստ միջավայրի ստեղծումն ու պահպանումը և լրատվամիջոցների ազատության ապահովումը ժողովրդավարության հիմքն է։ Այն նաև առանցքային է ԵՄ-ին միանալու գործընթացում և կազմում է 12 առաջնահերթությունների մի մասը, մասնավորապես՝ ԶԼՄ-ների ազատության յոթերորդ կետը և քաղաքացիական հասարակության ներգրավվածության տասներորդ կետը:
Եվրամիությունը աջակցում է Վրաստանի բարեփոխումների ջանքերին, որոնք արձագանքում են երկրի զարգացման և ԵՄ անդամակցության ձգտումներին, ինչպես նշված է Վրաստանի Սահմանադրությամբ:
Օրենքի նախագծի ընդունումը անհամապատասխան կլիներ այս նկրտումներին, ԵՄ նորմերին ու արժեքներին։
Մենք կոչ ենք անում Վրաստանի քաղաքական առաջնորդներին հաստատել և իրականացնել բարեփոխումներ, որոնք համահունչ են Եվրամիությանն անդամակցելու հայտարարված նպատակին, որին աջակցում է Վրաստանի բնակչության ճնշող մեծամասնությունը»,- ասված է հայտարարության մեջ։