Ֆրանսիայի և Ռուսաստանի նախագահները պայմանավորվել են Ուկրաինայի հարցով Եռակողմ կոնտակտային խմբի հանդիպում անցկացնել առաջիկա մի քանի ժամում։ Հանդիպման նպատակը կլինի շփման գծում հրադադարի ռեժիմի ակտիվացումը, հայտնում է Ելիսեյան պալատը։

Ռուսաստանի և Ֆրանսիայի նախագահները քիչ առաջ հեռախոսազրույց են ունեցել։ Ելիսեյան պալատից հայտնում են, որ առաջնորդները քննարկել են Ուկրաինայի արևելքում սրվող ճգնաժամի դիվանագիտական ​​լուծում գտնելու ուղիները՝ արտաքին գործերի նախարարությունների և նորմանդական ոճի քաղաքական խորհրդականների մասնակցությամբ։

Վլադիմիր Պուտինի հետ հեռախոսազրույցից հետո Էմանուել Մակրոնը կրկին զրուցել է Ուկրաինայի առաջնորդի հետ։ Այս մասին սոցցանցում գրում է Վլադիմիր Զելենսկին

«Մենք աջակցում ենք խաղաղ գործընթացի ակտիվացմանը և աջակցում ենք եռակողմ կոնտակտային խմբի անհապաղ գումարմանը և հրադադարի անհապաղ վերսկսմանը»,- գրել է Զելենսկին։