Վրաստանում ընտրությունները ընտրողներին առաջարկում էին լայն ընտրություն, որտեղ թեկնածուները կարող էին ազատորեն անցկացնել իրենց քարոզարշավը,- ասվում է ֆինն պատգամավոր, ԵԱՀԿ Խորհրդարանական վեհաժողովի նախագահ Պիա Կաումայի հոդվածում, որը հրապարակել է «Euronews»-ը։

«Վերջերս ես ղեկավարում էի ընտրությունների երկու դիտորդական առաքելություն՝ ԱՄՆ և Վրաստան, որտեղ մենք համագործակցեցինք միջազգային այլ գործընկերների հետ՝ ընտրությունների վերաբերյալ հեղինակավոր հայտարարություն հրապարակելու համար։ Ես դիտորդական առաքելության ղեկավարն էի, ես տեսա կուսակցությունների միջև կտրուկ բևեռացում, բայց նաև ընտրություններ, որն ընտրողներին առաջարկում էր ընտրության լայն հնարավորություն, որտեղ թեկնածուները ազատ էին քարոզարշավ իրականացնելու մեջ:

42 երկրներից ավելի քան 500 միջազգային դիտորդները, ովքեր մասնակցում էին այս առաքելությանը, օգնեցին վրաց ժողովրդին հասկանալ, թե ինչպես է իրենց նոր կառավարությունը եկել իշխանության և ուղղորդող հանձնարարականներ են ներկայացրել ընտրական գործընթացի թերությունների վերաբերյալ, որոնք պետք է շտկվեն ապագայում:

Ես արդեն առաջարկել եմ Վրաստանի նորընտիր կառավարությանը կառուցողականորեն համագործակցել ԵԱՀԿ խորհրդարանական վեհաժողովի հետ՝ օրենսդիր մարմնում նոր հանձնարարականներ քննարկելու համար, որոնք շուտով հասանելի կլինեն ԺՀՄԻԳ-ի զեկույցում»,- ասել է Պիա Կաուման։