2024 թվականի դեկտեմբերի 5-ին ԵԱՀԿ նախարարական նիստի շրջանակներում ԱԳ նախարար Մակա Բոճորիշվիլին հանդիպել է Ավստրիայի Հանրապետության եվրոպական և միջազգային հարցերի դաշնային նախարար Ալեքսանդր Շալենբերգին։
Հանդիպմանը դրական են գնահատվել երկու երկրների բարեկամական հարաբերությունները և սերտ համագործակցությունը ինչպես երկկողմ, այնպես էլ բազմակողմ ձևաչափերով։ Զրույցն անդրադարձել է Վրաստանում ընթացող գործընթացներին և իշխանության նպատակին՝ առավելագույն ջանքեր գործադրելու եվրաինտեգրման ճանապարհին հետագա առաջընթացի համար։ Մակա Բոճորիշվիլին շնորհակալություն է հայտնել ավստրիացի գործընկերոջը՝ Վրաստանի եվրոպական նկրտումներին աջակցելու համար։
Ինչպես նշվել է հանդիպմանը, Ավստրիան կշարունակի լինել Վրաստանի կողքին Եվրամիությանն անդամակցելու ճանապարհին։ Նախարարը գործընկերոջը տեղեկացրել է նաև խորհրդարանական ընտրությունների և միջազգային դիտորդների ներգրավվածության մասին։ Հանդիպմանը քննարկվել է տարածաշրջանում անվտանգության միջավայրը։ Մակա Բոճորիշվիլին իր գործընկերոջը տեղեկացրել է Վրաստանի օկուպացված տարածքներում տիրող ծանր իրավիճակի մասին։
Վրացական կողմը շնորհակալություն է հայտնել Ավստրիային՝ Վրաստանի ինքնիշխանությանն ու տարածքային ամբողջականությանը ցուցաբերած ամուր աջակցության համար։
Վրաստանի արտաքին գործերի նախարարը ԵԱՀԿ նախարարական հանդիպման շրջանակում շարունակում է իր հանդիպումները գործընկեր նախարարների հետ։
Տեղեկությունը տարածում է Վրաստանի արտաքին գործերի նախարարությունը։
