Եվրահանձնաժողովը հրաժարվել է Ուկրաինային տրամադրել 600 միլիոն եվրո օգնությունը
12:22, 02.12.2017
Եվրոպական հանձնաժողովը Ուկրաինային չի փոխանցի 600 մլն եվրոյի չափով երրորդ տրանշը։ Հանձնաժողովի մամուլի հաղորդագրությունում ասվում է, որ Ուկրաինան այս պահին չի կատարել իր չորս պարտավորությունները։
«Սրա ֆոնին Հանձնաժողովը չի կարող ընթացիկ ծրագրի վերջին տրանշը վճարել։ Մենք կոչ ենք անում Ուկրաինային պահպանել բարեփոխումների թափանցիկությունը բոլոր ոլորտներում, որոնք հաջողությամբ զարգացել են»,- հայտարարել են Եվրահանձնաժողովում։
Այդ պարտավորությունների մեջ են մտնում կենսաթոշակային բարեփոխումներ, հակակոռուպցիոն դատական համակարգը, գազի գնի հետ կապված խնդրի լուծումը։
