Գորիի մունիցիպալիտետի Խուրվալեթի գյուղին հարող բռնազավթված տարածքում, հունիսի 18-19-ը, Ռուսաստանի օկուպացիոն ուժերի ներկայացուցիչները, այսպես կոչված բորդերիզացիայի գործընթացի շրջանակներում, տեղադրել են ապօրինի ինստալացիաներ,- այս մասին հայտնում է պետական ​​անվտանգության ծառայությունը:

Ըստ ՊԱԾ-ի, թեժ գիծն անմիջապես ակտիվացել է այս փաստի կապակցությամբ և տեղեկությունը փոխանցվել է Եվրամիության դիտորդական առաքելության և Ժնևյան բանակցությունների համանախագահներին:

«Հարցը սուր կլինի Էրգնեթի միջադեպերի կանխարգելման և դրանց վրա արձագանքման մեխանիզմի հանդիպման, ինչպես նաև Ժնևյան միջազգային քննարկումների շրջանակներում:

Անօրինական այսպես կոչված բորդերիզացիան և դրա շրջանակներում բարձրացված ապօրինի շինությունները խոչընդոտում են ազատ տեղաշարժը, բարդացնում են տեղի բնակչության առօրյա կյանքը և տեղում վնասում անվտանգության միջավայրը:

Այս գործողության ողջ պատասխանատվությունը դրվում է բռնազավթիչ ուժերի վրա», – ասված է հայտարարության մեջ: