Խորհրդարանի մուտքի մոտ գտնվող երկաթե պաշտպանիչ ամբարտակը վնասելու մեղադրանքով մայիսի 14-ին կալանավորված երկու անձանց դատարանը թողել է կալանքի տակ:

Նշված որոշումը կայացրել է Թբիլիսիի քաղաքային դատարանի դատավորը։

Ինչպես նշվում է մայիսի 16-ին ՆԳՆ տարածած հաղորդագրության մեջ, քննությամբ պարզվել է, որ այս տարվա մայիսի 14-ին Թբիլիսիում՝ օրենսդիր մարմնի շենքի հարակից տարածքում, ընթացիկ բողոքի ակցիայի ժամանակ Ս.Մ.-ն և Օ.Օ.-ն այլ անձանց հետ միասին, ֆիզիկական ուժի և երկաթե առարկայի կիրառմամբ՝ դիտավորյալ վնասեն են խորհրդարանի մուտքի մոտ տեղադրված երկաթե պաշտպանիչ ամբարտակը։ ՆԳՆ-ն ձեռնարկում է քննչական գործողություններ՝ հանցագործությանը մասնակից այլ անձանց հայտնաբերելու և ձերբակալելու ուղղությամբ։ Նախաքննությունը կատարվում է Քրեական օրենսգրքի 187-րդ հոդվածի 2-րդ մասի «գ» ենթակետով, ինչը նշանակում է առարկայի խմբակային վնասում։