Վրաստանի խորհրդարանում «2003-2012 թվականներին գործող ռեժիմի և ռեժիմի քաղաքական պաշտոնյաների գործունեությունը ուսումնասիրող ժամանակավոր քննչական հանձնաժողովի» նիստին չներկայանալու պատճառով «Ստրատեգիա Աղմաշենեբելի» կուսակցության առաջնորդ Գիորգի Վաշաձեի գործը կփոխանցվի դատախազություն։ Այս որոշումը կայացվել է խորհրդարանական հանձնաժողովի այսօրվա նիստում։

Հարցը քվեարկության է դրել հանձնաժողովի ղեկավար Թեա Ծուլուկիան։

«Գիորգի Վաշաձեն հրավիրված էր հանձնաժողովի նիստին՝ ժամը 10։00-ին։ Նրան ընթացակարգային ձևով միանշանակ հայտնի էր, որ նիստը նշանակված էր ժամը 10։00-ին։ Ամբողջովին բոլոր չափանիշներով անցել է ողջախոհ ժամանակ այն պահից, երբ նա պետք է ներկայանար նիստին, սակայն չի ներկայացել։ Փաստաթղթերով հաստատված է, որ նա տեղյակ էր, որ հրավիրված է եղել կոնկրետ օրը, կոնկրետ ժամին, սակայն, ինչպես տեսնում ենք, չի ներկայացել։ Հետևաբար, հարցը դնում եմ քվեարկության՝ Գիորգի Վաշաձեի գործը Վրաստանի դատախազություն փոխանցելու համար՝ քրեական օրենսգրքի 349-րդ հոդվածի ենթադրյալ խախտման հիմքով», – հայտարարել է Ծուլուկիանն՝ հարցը քվեարկության դնելուց առաջ։քա