Վրաստանի խորհրդարանի նախագահ Շալվա Պապուաշվիլին խորհրդարանի բյուրոյի այսօրվա նիստում խոսել է առաջիկա երկու շաբաթվա նիստերի ժամանակացույցի մասին։

Ինչպես նշել է Պապուաշվիլին, առաջիկա շաբաթը կլինի արտահերթ նիստերի շաբաթ։

Նրա խոսքով՝ խորհրդարանի աշնանային նստաշրջանը կփակվի դեկտեմբերի 19-ին՝ բյուրոյի նիստի ընթացքում։

«Ինչ վերաբերում է ընթացիկ շաբաթվան, սա վերջին նստաշրջանային շաբաթն է՝ աշնանային նստաշրջանի լիագումար նիստերի շաբաթը։ Սակայն արդեն հայտարարվել է, որ հաջորդ շաբաթ կունենանք արտահերթ նիստեր։ Կանխատեսում եմ, որ դրանք կանցկացվեն դեկտեմբերի 16-17-ին։ Այդ պատճառով խնդրում եմ, արդեն իսկ պատրաստ լինեք։ Ինչ վերաբերում է այս շաբաթվա նիստերին՝ քննարկվելիք օրինագծերի ծավալը դեռ կերևա, սակայն մեր հաշվարկով մեզ կպահանջվի երկու օր՝ երեքշաբթի և չորեքշաբթի լիագումար նիստերի համար։ Հինգշաբթի և ուրբաթ, հավանաբար, անհրաժեշտ չեն լինի։

Հաջորդ շաբաթ կլինեն արտահերթ նիստեր, ոչ թե արտահերթ նստաշրջան, քանի որ նստաշրջանն ավարտվում է դեկտեմբերի 19-ին։ Դեկտեմբերի 19-ը չնիստային շաբաթ է, այդ օրը կունենանք բյուրոյի նիստ, և այդ նիստում կփակենք աշնանային նստաշրջանը։ Խնդրում եմ բյուրոյի անդամներին հաշվի առնել, որ առաջիկա երկու շաբաթվա ժամանակացույցը մոտավորապես հետևյալն է՝ վաղը և մյուս օրը՝ երեքշաբթի և չորեքշաբթի կլինեն լիագումար նիստեր, կլինեն նաև բյուրոյի նիստեր, քանի որ կան անհետաձգելի նախագծեր։ Հաջորդ շաբաթ երկուշաբթի կլինի բյուրոյի նիստ, երեքշաբթի և չորեքշաբթի՝ 16-17 դեկտեմբերի հնարավոր արտահերթ նիստեր։ Դեկտեմբերի 19-ին, ուրբաթ, կլինի բյուրոյի նիստ, որի ժամանակ կփակենք աշնանային նստաշրջանը», – հայտարարել է Շալվա Պապուաշվիլին։