Խորհրդարանը չպետք է կայանա, ուրբաթ օրը դահլիճում պետք է ամոթով նստի միայն «Վրացական երազանքը». Շալվա Նաթելաշվիլի
Ես ուզում եմ հասարակությանը խնդրել, թող շատ չմտահոգվեն փուլերի քանակով, մի շարք հանդիպումներ դեռ առջևում են, քանի որ այդքան հանկարծ գլոբալ քաղաքական խնդիրները չեն լուծվում,- այս մասին ԱՄՆ-ի դեսպանի նստավայրի մոտ հայտարարել է «Լեյբորիստական կուսակցության» առաջնորդ, Շալվա Նաթելաշվիլին:
Ինչպես նշել է Շալվա Նաթելաշվիլին, նա խոսելու է միայն «Լեյբորիստական կուսակցության» դիրքորոշմամբ և դա այն դիրքորոշումն է, որ կուսակցությունը չի մտնում խորհրդարան:
«Ես կարող եմ ձեզ ասել իմ կուսակցության դիրքորոշումը: Մենք չենք մտնում խորհրդարան, խորհրդարանը չպետք է կազմավորվի, ուրբաթ օրը դահլիճում ամոթով պետք է լինի միայն «Վրացական երազանքը», Իվանիշվիլիի հանցավոր խմբավորումը պետք է կրկին բացահայտվի ամբողջ աշխարհի առաջ: Հանդիպմանը մենք հաստատեցինք նույն դիրքորոշումը, որ առանց նոր ընտրությունների խորհրդարան չենք մտնի: Ընդդիմությունը հռչակագիր է ստորագրել այն մասին, որ պետք է անցկացվեն նոր ընտրություններ»,- հայտարարել է Շալվա Նաթելաշվիլին: