Վրաստանի հիվանդությունների վերահսկման ազգային կենտրոնի վարակային հիվանդությունների դեպարտամենտի ղեկավար Խաթունա Զախաշվիլու փոխանցմամբ, կրթության նախարարության հետ միասին աշխատում են ծրագրի շուրջ, թե այս տարի ինչպես պետք է անցկացվեն քննություները, որպեսզի դիմորդների անվտանգությունը լինի պաշտպանված:

Ինչպես նշել է Զախաշվիլին, այս տեսանկյունից մշակում են պատշաճ հանձնարարականներ:

«Արդեն սկսել ենք աշխատել կրթության նախարարության հետ:

Դիմորդները աշխարհում կորոնավիրուսի տարածումից հետո ստիպված են եղել սովորել և ազգային քննություններին պատրաստվել արտասովոր միջավայրում: Արտասովոր միջավայրում են ստիպված լինեու ավարտել դպրոցը, նշել Վերջին զանգը, հնարավոր է, այնպես լայնամասշտաբ ձևով չլինի, ինչպես դա լինում էր նախորդ տարիներին: Նրանցից յուրաքանչյուրին մաղթում եմ հաջողություն, որպեսզի ստանան ցանկալի արդյունքներ:

Մենք կձեռնարկենք անհրաժեշտ բոլոր միջոցները, որպեսզի այն երեք կամ չորս ժամ տևող քննությունը, որի ընթացքում աշխատելու են դիմորդները, լինի նրանց առողջության համար անվտանգ»,- հայտարարել է Զախաշվիլին: