Վրաստանի վարչապետ Իրակլի Ղարիբաշվիլին հանդիպել է Ուկրաինայի պաշտպանության նախարար Անդրի Տարանի հետ:

Կառավարության աշխատակազմի մամուլի ծառայության հաղորդմամբ, կողմերը քննարկել են Վրաստանի և Ուկրաինայի միջև ռազմավարական գործընկերության հիմնական ուղղությունները: Ընդգծվել է երկու երկրների հատուկ բարեկամությունը: Նշվեց, որ տարածաշրջանում խաղաղությունն ու անվտանգություն ապահովելու համար կարևոր է շարունակել աջակցել Վրաստանի և Ուկրաինայի անվտանգությանը և կայունությանը: Ընդգծվեց Վրաստանի և Ուկրաինայի արտաքին և անվտանգության քաղաքականության հիմնական գերակայություններից մեկը` ՆԱՏՕ-ին ինտեգրումը: Կառավարության ղեկավարի խոսքով, անհրաժեշտ է խորացնել համագործակցությունը ընդհանուր հետաքրքրություն ներկայացնող ոլորտներում, ինչպիսիք են համագործակցությունը՝ Սև ծովի անվտանգության և ուժեղացված հնարավորությունների գործընկերության (EOP) ձևաչափը:

Իրակլի Ղարիբաշվիլին նշել է, որ ողջունում է երկկողմ ռազմավարական գործընկերության ձևաչափի հաստատումը: Ըստ նրա, այս նոր մեխանիզմը դրական ազդեցություն կունենա Վրաստանի ու Ուկրաինայի միջև երկկողմ հարաբերությունների վրա:

Վարչապետը դրական է գնահատել 2021 թվականի երկկողմ համագործակցության ծրագրի ստորագրումը, ինչը էլ ավելի կխթանի երկու երկրների գործընկերությունը:

Կառավարության ղեկավարը շնորհակալություն է հայտնել Ուկրաինայի պաշտպանության նախարարին, Վրաստանի ինքնիշխանությանը և տարածքային ամբողջականությանը անսասան աջակցության համար և նշել, որ Վրաստանը վճռականորեն աջակցում է Ուկրաինայի ինքնիշխանությանը և տարածքային ամբողջականությանը: Իրակլի Ղարիբաշվիլին պատրաստակամություն է հայտնել ամուր քաղաքական աջակցություն ցուցաբերել Ուկրաինային, ինչպես երկկողմ, այնպես էլ բազմակողմ ձևաչափերում:

Զրույցն վերաբերել է նաև պաշտպանության ոլորտում Վրաստանի և Ուկրաինայի միջև համագործակցության կարևոր ուղղությանը` համատեղ զորավարժություններին մասնակցությանը: Նշվեց, որ կարևոր է պահպանել այս ուղղությամբ գոյություն ունեցող առկա դրական համագործակցության դինամիկան: Կառավարության ղեկավարը ողջունել է նաև Վրաստանի և Ուկրաինայի միջև ռազմատեխնիկական համագործակցության ակտիվացումը: