Վրաստանի պետական սահմանը խմբակային եղանակով ապօրինի հատելու փորձի փաստով օտարերկրյա ինը քաղաքացու են ձերբակալել
Վրաստանի ներքին գործերի սահմանային ոստիկանության օպերատիվ-հետաքննչական դեպարտամենտի աշխատակիցները Վրաստանի պետական սահմանը խմբակային եղանակով ապօրինի հատելու փորձի փաստով օտարերկրյա ինը քաղաքացու են ձերբակալել:
Վրաստանի սահմանային ոստիկանության տեղեկացմամբ՝ իրավապահների կողմից իրականացված օպերատիվ միջոցառումների և քննչական գործողությունների արդյունքում պարզվել է, որ ձերբակալվածները, սահմանային-ստուգիչ անցակետը շրջանցելով, «Սարփի» սահմանային սեկտորի պահպանվող հատվածում ապօրինի փորձում էին անցնել Թուրքիայի Հանրապետություն:
Քննությունը ընթանում է Վրաստանի քրեական օրենսգրքի 19-344-րդ հոդվածի երկրորդ մասի «ա» ենթակետով, ինչը նախատեսում է ազատազրկում՝ մինչև հինգ տարի ժամկետով: