Վրաստանի պաշտպանության ուժերի արևելյան հրամանատարության ստորաբաժանումները անցկացրել են «Սուր աչք» դաշտային վարժանքները
Վրաստանի պաշտպանության ուժերի արևելյան հրամանատարության ստորաբաժանումները «Սուր աչք» զորավարժության շրջանակներում անցկացրեցին եզրափակիչ զորավարժություն։ Վազիանիի զորավարժարանում դաշտային զորավարժությանը ներկա էին Վրաստանի փոխվարչապետ, պաշտպանության նախարար Իրակլի Չիքովանին, պաշտպանության ուժերի հրամանատար, գեներալ-լեյտենանտ Գիորգի Մաթիաշվիլին և պաշտպանության ուժերի այլ բարձրաստիճան պաշտոնյաներ։ Զորավարժությանը մասնակցել են մանևրային, տանկային, ավիացիայի, հրետանային, ինժեներական և հակաօդային պաշտպանության խմբերը։
Զորավարժությունների ընթացքում զինծառայողները կատարել են տարբեր առաջադրանքներ՝ դարանակալում, հետախուզություն, շենքերի մաքրում, ջրանցքի վրայով կամրջի կազմակերպում, ստորաբաժանումների ախտահանում, անօդաչու թռչող սարքերի հարձակման հետ մղում և վիրավորների տարհանում։ Ինժեներական դասակը կարողացել է չեզոքացնել խփված անօդաչու թռչող սարքը և պայթուցիկ նյութերը՝ օգտագործելով ռոբոտ, մինչդեռ հետախուզական վաշտը իրականացրել է ենթադրական թշնամու շարասյունը FPV անօդաչու թռչող սարքերի միջոցով կասեցնելու գործողություն։
Եզրափակիչ վարժանքներում հետևակային բրիգադներին աջակցում էին հրետանային գումարտակի ականանետային և թնդանոթային անձնակազմերը, LAR 160 բազմակի կրակոցային հրթիռային համակարգը, մեխանիզացված և տանկային վաշտը, Մի-24 որսորդական ուղղաթիռները, UH-1H Iroquois-ը և դիպուկահարների խմբերը։
Վարժությունների նպատակն էր կատարելագործել պաշտպանական գործողություններ իրականացնելու կարողությունները օպերատիվ և մարտավարական մակարդակներում, ժամանակակից հրամանատարական և վերահսկողական համակարգերը, ինչպես նաև անօդաչու թռչող սարքերի միջոցով վերահսկել և համակարգել գործողությունները։
Տեղեկատվությունը հրապարակել է Պաշտպանության նախարարության մամուլի ծառայությունը։