Վրաստանի պաշտպանության նախարարը Վրաստանի պաշտպանության ակադեմիայում հյուրընկալել է իր ադրբեջանցի գործընկերոջը
Վրաստանի պաշտպանության նախարար Ջուանշեր Բուրճուլաձեն Դավիթ Աղմաշենեբելիի անվան Վրաստանի պաշտպանության ակադեմիայում հյուրընկալել է Ադրբեջանի պաշտպանության նախարար, գեներալ-գնդապետ Զաքիր Հասանովին։
Պաշտպանության ազգային ակադեմիայի ռեկտոր, բրիգադային գեներալ Մամիա Բալախաձեն երկու երկրների պաշտպանության նախարարների հետ զրուցել է ռազմական ակադեմիայի հնարավորությունների մասին։ Նա հյուրերին ցույց տվեց Պաշտպանության ազգային ակադեմիայի ուսումնական լաբորատորիաները, բուժհաստատությունը, գրադարանը, թանգարանը, սպորտային դահլիճները և կուրսանտների նստավայրերը։
Ավելի ուշ պաշտոնյաները մասնակցել են եռակողմ մարզական միջոցառումներին, որոնց մասնակցել են ադրբեջանցի, թուրք և վրացի կուրսանտները:
Պաշտպանության ազգային ակադեմիայում կայացած հանդիպմանը մասնակցել են ՊԲ հրամանատարի տեղակալները, Վրաստանում Ադրբեջանի դեսպանը, պաշտոնատար այլ անձինք։
Տեղեկությունը տարածում է Վրաստանի պաշտպանության նախարարի մամուլի ծառայությունը։