Զբոսաշրջության ազգային վարչության մարկետինգային քարոզարշավի շրջանակներում, «Նեյշնլ Ջեոգրաֆիկը» (National Geographic) Վրաստանի մասին տարածում է իր չորրորդ հոդվածը: «Գոյություն չունի նման մի վայր աշխարհում, ինչպիսին Վրաստանն է»-այս խոսքերով է սկսվում «Off the beaten track in Georgia» հոդվածը:

Հեղինակ, Աարոն Հույը հոդվածում նկարագրում է Վրաստանի տարբեր շրջանների զբոսաշրջային ներուժը: Լրագրողի խոսքով Վրաստան ճանապարհորդությունը թողում է անմոռանալի տպավորություններ, սա հարուստ մշակույթով երկիր է իր բազմապիսի բնությամբ:

Աարոն Հույը հոդվածը սկսում է Սվանեթիում ստացած տպավորություններով: Լրագրողը նկարագրում է Սվանեթիի հնագույն գյուղերը, միջնադարյան աշտարակները, վայրի բնությունը և Սվանեթի խոհանոցը:

Սվանեթից հետո լրագրողը ընթերցողներին է ներկայացնում Վրաստանի այլ շրջանները:

Կովկասյան լեռնաշղթայի գագաթնակետից դուք կարող եք հայտնաբերել Մարտվիլիի կիրճը, որտեղ կարող եք զբոսնել կանաչ գույնի ջրում քարոտ ափերի միջև, այս վայրը նման է կախված այգիներին: Այստեղ ջրվեժները հոսում են կապույտ և կանաչ գույներով»,-գրել է լրագրողը:

Հոդվածում լրագրողը նկարագրում է նաև Գուրիան: Աարոն Հույը ընթերցողների հետ կիսվում է Չոխատաուրիում և Բախմարոյում  ստացած տպավորությունների մասին:

«Նեյշնլ Ջեոգրաֆիկի» հոդվածում առանձնահատուկ տեղ է զբաղեցնում վրացական գինին, քվեվրին (կճուճը) իր ութ հազարամյա պատմությամբ և նրա պատրաստման կարգը:

Հոդվածի վերջում լրագրողը նկարագրել է Վրաստանի մայրաքաղաքը: Նրա խոսքով, Թբիլիսին մշտապես եղել է մշակույթի կենտրոն, այս քաղաքը առանձնանում է կրոնական ուղղությունների, էթնիկ խմբերի բազմությամբ: Լրագրողը գրում է Թբիլիսիի հինավուրձ թաղամասերի, քաղաքի ճարտարապետության և գիշերային կյանքի մասին:

Աարոն Հույը հոդվածը ավարտում է հետևյալ կերպ. «Երբ կայցելեք Վրաստան ձեզ սպասվում են արկածներ, մի շտապեք, դուք կարող եք հայտնվել տարբեր փառատոններին, համտեսել վրացական գինին և խոհանոցը: Պատրաստ եղեք, հնարավոր է տեղացիները ձեզ սովորացնեն երգել, նույնիսկ եթե ամաչկոտ եք ձեզ կստիպեն պարել, եթե ետ նայեք ապա կհասկանաք, որ կյանքում նման զգացմունք չեք ունեցել: