Վրաստանի կառավարությունը որոշել է Քութայիսում և Ռուսթավիում կառուցել ժամանակակից չափանիշներին համապատասխանող համալսարանական քաղաքներ: Այս մասին հաղորդում է Վրաստանի ենթակառուցվածքների նախարարությունը:

Ըստ դրանց՝ ենթակառուցվածքների նախարարության քաղաքային զարգացման հիմնադրամին հանձնարարվել է իրականացնել համալսարանական քաղաքների կառուցման համար անհրաժեշտ միջոցառումները:

«Կառավարության հանձնարարականների համաձայն՝ հիմնադրամը կսկսի Քութայիսում և Ռուսթավիում համալսարանական քաղաքների կառուցման մանրամասն նախագծման և ծախսերի հաշվառման փաստաթղթերի պատրաստումը, շինարարական աշխատանքների և վերահսկողական ծառայությունների գնման գործընթացը, որը նախատեսում է երկու տարածքներում լիարժեք համալսարանական ենթակառուցվածքների ստեղծում», – նշվում է տեղեկատվության մեջ: