Վրաստանի հավաքականը հաղթեց Դանիային աշխարհի առաջնության որակավորման փուլում
Վրաստանի բասկետբոլի ազգային հավաքականը խաղաց իր երրորդ խաղը Աշխարհի առաջնության որակավորման փուլում: Ալեքսանդր Ջիկիչի թիմը հյուրընկալեց Դանիային և հաղթեց 89:71 հաշվով։
Չորս թիմանոց խմբի երեք թիմեր կանցնեն հաջորդ փուլ: Առաջին երկու խաղերում կրած երկու պարտությունից հետո, Վրաստանի հավաքականը պետք է նախ հաղթահարի Դանիային՝ հաջորդ խմբային փուլ անցնելու համար։
«Բասկետբոլիստները հասկանում են խաղի կարևորությունը: Մենք պետք է առավելագույն էներգիա ներդնենք և օգտագործենք մեր մարզական կարողությունները», – ասաց «Խաչակիրների» գլխավոր մարզիչ Ալեքսանդր Ջիկիչը։
«Էներգիա ներդնելու» մասին խոսելիս պետք է հիշատակել Թորնիկե Շենգելիային, որը փետրվարի 25-ին «Բարսելոնայի» կազմում խաղացել է Եվրոլիգայում, 26-ին թռել է Կոպենհագեն և 27-ին խաղացել Դանիայի դեմ: Եվ ինչպես՝ շատ դժվար առաջին խաղակեսում Վրաստանի հավաքականը 7 միավորի առավելություն ստացավ (39:32)՝ շնորհիվ ավագի, որը առաջին 20 րոպեներին վաստակեց 18 միավոր: