Վրաստանի համար «դադարեցման» մեխանիզմի գործի դնելը հնարավոր է, սակայն կցանկանայի դա տեղի չունենա. Էլմար Բրոկ
Եվրոպայի ժողովրդական կուսակցության ներկայացուցիչ, եվրախորհրդարանային Էլմար Բրոկը հայտարարում է, որ Վրաստանի համար «դադարեցման» մեխանիզմի գործի դնելը հնարավոր է, սակայն ցանկություն է հայտնել, որ դա տեղի չունենա: Այս մասին նա վրացի լրագրողներին ասել է Մյունխենում, որտեղ գտնվում է կոնֆերանսին մասնակցելու նպատակով:
Պատգամավորի խոսքերով, եթե ապաստան փնտրողների քանակը ավելանա, ապա Եվրոպան ստիպված կլինի բոլորին ետ ուղարկել:
«Դադարեցման մեխանիմցը իհարկ է հնարավոր է գործի դնել, սակայն ես դա չէի ցանկանա, որովհետև այս դեպքում տուժելու են անմեղ մարդիկ:
Կցանկանայի, որ Վրաստանի քաղաքացիները օգտվեին անայցագրային ռեժիմից, սակայն եթե ապաստան փնտրողների քանակը ավելանա, ապա պետք է ճանապարհներ գտնենք նրանց ետ ուղարկելու համար:
Այս գործընթացում հիմնական դերը պետք է խաղա հենց Վրաստանը»,-հայտարարել է Էլմար Բրոկը: