Վրաստանի ֆինանսների նախարարության քննչական ծառայության աշխատակիցների կողմից, Սամեգրելո-Զեմո Սվանեթիի ոստիկանական վարչության հետ համակարգված գործողությունների արդյունքում, առանց ակցիզային նշանի՝ մեծ քանակությամբ ակցիզային ապրանք պահելու փաստով ձերբակալվել է մեկ անձ։

«Քննչական գործողությունների արդյունքում Սամեգրելոյի շրջանում մեղադրյալից առգրավվել է վաճառքի համար նախատեսված ընդհանուր առմամբ 38 190 տուփ առանց ակցիզային նշանի ծխախոտ, որի ընդհանուր շուկայական արժեքը գերազանցում է 179 000 լարին», – հայտնում են քննչական ծառայությունից։

Քրեական գործը քննվում է Վրաստանի քրեական օրենսգրքի 200-րդ հոդվածի 3-րդ մասով, ինչը նախատեսում է ազատազրկում 6-ից 8 տարի ժամկետով։ Իրականացվում են համապատասխան միջոցառումներ՝ մեղադրյալի հետ հանցակցող անձանց հայտնաբերելու և պատժելու նպատակով։