Սի Ցզինպինն ասում է, որ Թայվանի հետ վերամիավորումը պետք է տեղի ունենա, քանի որ պատմությունը չի կարելի կանգնեցնել
Չինաստանի նախագահ Սի Ցզինպինն ասել է, որ Թայվանի հետ վերամիավորումը պետք է տեղի ունենա, քանի որ պատմությունը չի կարելի կանգնեցնել։
Սի Ցզինպինն ասել է, որ Թայվանի հարցի լուծումը «Չինաստանի կոմունիստական կուսակցության» անսասան պատմական առաքելությունն է։
«Պատմության հոսքը չի կարելի կանգնեցնել։ Հայրենիքի լիակատար վերամիավորումը պետք է իրականացվի և անպայման կիրականացվի», – հավելել է Չինաստանի նախագահը։
Նա ասել է, որ Չինաստանը հավատարիմ է «խաղաղ վերամիավորմանը և «մեկ երկիր, երկու համակարգ» քաղաքականությանը և պատրաստ է երկխոսություն վարել Թայվանի հետ, բայց միևնույն ժամանակ պաշտպանում է «մեկ Չինաստանի սկզբունքը», այն դիրքորոշումը, որ Թայվանի նեղուցի երկու կողմերն էլ մեկ երկիր են։
Թայվանի կառավարությունը հերքել է պնդումները։ Թայվանի հարցերով խորհուրդը հայտարարել է, որ ո՛չ կառավարությունը, ո՛չ էլ թայվանցի ժողովուրդը չեն կարող ընդունել «մեկ երկիր, երկու համակարգ» սկզբունքը, որը, վերջին հաշվով, նշանակում է ենթարկվել «Կոմունիստական կուսակցության» կառավարմանը։
«Ինչ վերաբերում է Թայվանի վերամիավորման ձևակերպմանը, այն շատ չի տարբերվում անցյալից», – լրագրողներին ասել է խորհրդի ներկայացուցիչ Լիեն Վեն-չին։
Չինաստանը Թայվանը համարում է իր տարածքը, չնայած Թայբեյը կտրականապես հերքում է այս պնդումը։