Վրաստանի և Նաուրուի միջև դիվանագիտական հարաբերություններ հաստատելու մասին համաձայնագիր է ստորագրվել
Վրաստանի և Նաուրուի Հանրապետության (Նաուրու) միջև հաստատվել են դիվանագիտական հարաբերություններ։ Համապատասխան փաստաթուղթը ստորագրել են Վրաստանի վարչապետ Իրակլի Կոբախիձեն և Նաուրուի Հանրապետության նախագահ Դավիթ Ադեանգը։
Վարչապետի մամուլի ծառայության հաղորդմամբ՝ Նյու Յորքում կայացած հանդիպման ժամանակ վարչապետ Իրակլի Կոբախիձեն կրկին շնորհակալություն է հայտնել Նաուրուի Հանրապետության նախագահին Վրաստանի օկուպացված տարածքների հետ դիվանագիտական հարաբերությունների խզման համար և նշել, որ այս որոշումը ևս մեկ անգամ ընդգծում է, որ միջազգային իրավունքի սկզբունքների պահպանումը կայուն և պատասխանատու միջազգային հարաբերությունների հիմքն է։
«Զրույցը շոշափել է բազմակողմ ձևաչափերով համագործակցությունը, այդ թվում՝ միջազգային կազմակերպությունների շրջանակներում։ Հանդիպմանը քննարկվել են նաև փոխադարձ հետաքրքրություն ներկայացնող ոլորտներում գործընկերության և ժողովուրդների միջև կապերի խորացման հեռանկարները», – նշում է Վրաստանի վարչապետի մամուլի ծառայությունը։
Հանդիպմանը մասնակցել են փոխվարչապետ և արտաքին գործերի նախարար Մակա Բոճորիշվիլին, կառավարության աշխատակազմի ղեկավար Լևան Ժորժոլիանին և ՄԱԿ-ում Վրաստանի մշտական ներկայացուցիչ Դավիթ Բաքրաձեն։
Հիշեցնենք, որ Նաուրուի Հանրապետությունը ճանաչել է օկուպացված այսպես կոչված Հարավային Օսեթիի և Աբխազիայի «անկախությունը» և հուլիսի 29-ին կասեցրել է նրանց հետ դիվանագիտական հարաբերությունները։