Անթալիայում տորնադոյի հետևանքով չորս մարդ է զոհվել
Անթալիայում տեղի ունեցած տորնադոյի հետևանքով զոհվել է չորս մարդ։
Թուրքական լրատվամիջոցների փոխանցմամբ՝ միջադեպը տեղի է ունեցել շինհրապարակում։ Տորնադոն վնասել է աշխատողների համար նախատեսված կոնտեյներները։
Ըստ տեղեկությունների՝ երկու աշխատող մահացել է տեղում, իսկ երկուսը՝ հիվանդանոց տեղափոխվելուց հետո։ Վիրավոր աշխատողներից մեկի վիճակը բավարար է։
Քաղաքում հայտարարվել է «դեղին» տագնապի մակարդակ՝ ուժեղ անձրևների պատճառով։ Դեպքի վայրում մոբիլիզացվել են շտապօգնության ծառայությունները, ոստիկանությունը, հրշեջ-փրկարարական խմբերը։
«Մենք բախվում ենք շատ անսովոր բնական երևույթի, քանի որ քաղաքի որևէ այլ վայրում փոթորիկներ կամ տորնադոներ չեն եղել։ Մոտակա շենքերին վնաս չի պատճառվել, բայց մենք բախվում ենք տորնադոյի, որը ամբողջությամբ ոչնչացրել է այս տարածքում երկու կոնտեյներ», – ասել է պաշտոնյան։
Անթալիայի նահանգապետը ժամանել է դեպքի վայր։ Նա ասել է, որ տորնադոն նաև տապալել է կռունկ, չնայած զոհեր չկան։