Կայացել է Վրաստանի և Հայաստանի նախագահների ընդլայնված ձևաչափով հանդիպում։

Հանդիպման ժամանակ քննարկվել են քաղաքական, տնտեսական, մշակութային-կրթական, ամուր բարեկամական հարաբերությունները և գործընկերության խորացման հեռանկարները։

Շեշտվել է Հայաստանի հետ առևտրատնտեսական հարաբերությունների հետագա զարգացման կարևորությունը, և արտահայտվել է պատրաստակամություն՝ խորացնելու երկկողմ և տարածաշրջանային համագործակցությունը, ինչպես նաև ինտեգրացիոն գործընթացները քաղաքական, տնտեսական և մշակութային ուղղություններով։

Հանդիպմանը մասնակցել են Հայաստանի հանրապետության արտաքին գործերի նախարարի տեղակալ Վահան Կոստանյանը, էկոնոմիկայի նախարար Գևորգ Պապոյանը, Վրաստանում Հայաստանի հանրապետության արտակարգ և լիազոր դեսպան Աշոտ Սմբատյանը, Հայաստանի հանրապետության նախագահի աշխատակազմի ղեկավար Խաչատուր Պողոսյանը, Ազգային ժողովի պատգամավոր Շիրակ Թորոսյանը, իսկ վրացական կողմից՝ Վրաստանի խորհրդարանի փոխնախագահ, Վրաստան-Հայաստան խորհրդարանական բարեկամության խմբի ղեկավար Գիորգի Վոլսկին, էկոնոմիկայի և կայուն զարգացման նախարար Մարիամ Քվրիվիշվիլին, արտաքին գործերի նախարարի տեղակալ Գիորգի Զուրաբաշվիլին, Վրաստանի նախագահի աշխատակազմի ղեկավար Քեթևան Կվինիկաձեն և Հայաստանի հանրապետությունում Վրաստանի արտակարգ և լիազոր դեսպան Գիորգի Շարվաշիձեն։