Թբիլիսիի քաղաքային դատարանը լիովին ընդունել է դատախազության կողմից ներկայացված ապացույցները և մեղադրյալին մեղավոր է ճանաչել առանձնապես խոշոր չափի թմրանյութերի ապօրինի ձեռքբերման և պահպանման մեջ։ Այս մասին հաղորդում է Վրաստանի դատախազությունը:

Ըստ գերատեսչության, դատավարության ընթացքում հետազոտված ապացույցները հաստատել են, որ մեղադրյալը ապօրինի ձեռք է բերել և պահել է 4.3369 գրամ «Ալֆա-ՊՎՊ» թմրանյութ։

Կալանավորվածին մեղադրանք է առաջադրվել Վրաստանի քրեական օրենսգրքի 260-րդ հոդվածի վեցերորդ մասի «Ա» ենթակետով (հին տարբերակ)՝ թմրանյութերի առանձնապես խոշոր չափի ապօրինի ձեռքբերման և պահպանման համար, որը նախատեսում է 8-ից 20 տարի կամ ցմահ ազատազրկում։

«Թբիլիսիի քաղաքային դատարանը մեղադրյալին մեղավոր է ճանաչել առաջադրված մեղադրանքներում և դատապարտել է 8 տարի 6 ամիս ազատազրկման», – ասվում է դատախազության հայտարարության մեջ։