Մենք կշարունակենք աշխատել այն ուղղությամբ, թե ինչպես կարող ենք ամրապնդել մեր գործընկերությունը Վրաստանի հետ, ինչպես կարող ենք տրամադրել քաղաքական և գործնական աջակցություն, – այս մասին Պաշտպանության մինիստերիալին ընդառաջ կայացած մամուլի ասուլիսում, հայտարարել է ՆԱՏՕ-ի գլխավոր քարտուղար Ենս Սթոլթենբերգը:

«Առաջին հերթին ես ուզում եմ հասկացնել, որ Վրաստանը շարունակում է մնալ շատ մտերիմ և շատ արժեքավոր գործընկեր ՆԱՏՕ-ի համար: Իմ հատուկ ներկայացուցիչ Խավիեր Կոլոմինան շատ փորձառու դիվանագետ է, ով շատ լավ գիտի, թե ինչպես է աշխատում ՆԱՏՕ-ն և ինչպես կարող ենք ամրապնդել մեր գործընկերությունը Վրաստանի հետ, ինչպես սերտորեն աշխատել տարածաշրջանի երկրների հետ: Ես նրան ճանաչում եմ որպես շատ բանիմաց դիվանագետ, որը կարող է աջակցել ՆԱՏՕ-ի ջանքերին այս տարածաշրջանում: Մենք կշարունակենք աշխատել, թե ինչպես կարող ենք ամրապնդել մեր գործընկերությունը Վրաստանի հետ, ինչպես կարող ենք տրամադրել քաղաքական և գործնական աջակցություն: Ես անհամբերությամբ սպասում եմ նոր հատուկ ներկայացուցչի աշխատանքին», – ասել է Ենս Սթոլթենբերգը:

Հոկտեմբերի 21-22-ը Բրյուսելում տեղի կունենա ՆԱՏՕ-ի պաշտպանության նախարարական հանդիպումը:

Սթոլթենբերգի խոսքով ՝ նախարարները որոշումներ կկայացնեն հավաքական անվտանգության ամրապնդման վերաբերյալ, ինչպես նաև կքննարկեն Մադրիդյան գագաթնաժողովի նախապատրաստական ​​աշխատանքները: