Վրացի բժիշկներն ու կենսաբանները մի քանի շաբաթ վերապատրաստում կանցնեն Վատիկանի՝ «Բամբին Ջեզու» մանկական հիվանդանոցում:
Նախագահի աշխատակազմի հաղորդմամբ, Վատիկանի մանկական հիվանդանոցը անհետաձգելի և եզակի դեպքերի ժամանակ, մանկական հիվանդությունների ախտորոշման ուղղությամբ բացառության տեսքով օգնություն կտրամադրի Վրաստանին: Համաձայնությունը ձեռք է բերվել Վրաստանի նախագահի և Վատիկանի մանկական հիվանդանոցի միջև, նախագահի Վատիկան կատարած առաջին պաշտոնական այցի ընթացքում:
«Դա շատ լավ նորություն է մեզ համար: Ես այցելեցի «Բամբին Ջեզուսի» հիվանդանոցի բարձր տեխնոլոգիաների գիտության հետազոտական լաբորատորիա, որը Եվրոպայում ամենաակնառուներից մեկն է, որը հիմնականում աշխատում էր երեխաների հազվագյուտ և ուռուցքաբանական հիվանդությունների վրա: Նրանք պատրաստակամություն հայտնեցին համագործակցել Վրաստանի հետ բոլոր ուղղություններով: Նախ, մեր բուժքույրերը և բժիշկները կվերապատրաստվեն: Նրանցից պահանջվում է մասնակցել լաբորատոր աշխատանքներին և հետազոտություններին:
Նրանք պատրաստ են նաև համագործակցել աշխտորոշման ուղղությամբ: Շատ հազվադեպ դեպքերում, բայց մեզ համար շատ կարևոր է օգնել մեր երեխաներին: Հիվանդանոցի տնօրենը կժամանի Վրաստան, մենք այդ մասին պայմանավորվել ենք և տեղում հուշագիր կստորագրենք: Սա շատ լավ լուր է բոլորի համար, և ես, անձամբ, շատ ուրախ եմ», – հայտարարել է Սալոմե Զուրաբիշվիլին:
Վրաստանի նախագահն այցելեց մի քանի լաբորատորիաներ, որոնք զբաղվում էին բարձր տեխնոլոգիական հետազոտություններով և ախտորոշիչ-գենետիկ գործունեությամբ, ներառյալ իմունոթերապիան և բջջային թերապիան:
Վրաստանի նախագահի հրավերով Վրաստան կայցելի Վատիկանի մանկական «Բամբին Ջեզուս» մանկական հիվանդանոցի տնօրենների խորհրդի նախագահ՝ Մարիելա Էնոկը:
