«Վրացական երազանք»-ի հասարակայնության հետ կապերի գրասենյակ – TikTok-ում ստեղծվել է Ցոտնե Իվանիշվիլիի անունով կեղծ էջ, որտեղից տարածվում են սադրիչ բովանդակությամբ մանիպուլյատիվ տեսանյութեր

Մի քանի շաբաթ առաջ TikTok սոցիալական հարթակում ստեղծվել է կեղծ էջ՝ Ցոտնե Իվանիշվիլիի անունով։ Կեղծ էջը տարածում է սադրիչ բովանդակությամբ մանիպուլյատիվ տեսանյութեր, ասվում է «Վրացական երազանք»-ի հասարակայնության հետ կապերի բաժնի հայտարարության մեջ։

Հայտարարության համաձայն՝ կեղծ էջը նաև երիտասարդներին հաղորդագրություններ է ուղարկել Ցոտնե Իվանիշվիլիի անունով, կարծես նա մարդկանց հրավիրում է կուսակցության կենտրոնական գրասենյակում հարցազրույցի։

«TikTok սոցիալական հարթակի վարչություն պաշտոնական նամակ է ուղարկվել, որում նշվում է, որ էջը կեղծ է և մոլորեցնում է հանրությանը։ Մենք սպասում ենք նամակի պատասխանին և կեղծ էջի հեռացմանը։

Մենք նաև կոչ ենք անում TikTok օգտատերերին չշփվել էջի հետևում կանգնած անձի հետ, քանի որ նա չարաշահում է Ցոտնե Իվանիշվիլիի անունն ու ազգանունը։ Գործը փոխանցվել է Վրաստանի Ներքին գործերի նախարարություն՝ լրացուցիչ իրավական գործողությունների համար», – ասվում է հայտարարության մեջ։