Ես էլ եմ ապրել արտասահմանում և երբ քո երկրից հեռու ես բնակվում, հատկապես հուզական ես ընկալում քո երկրի հաջողությունը և փորձությունը, կարծում եմ, բոլոր վրացիներին միավորում է այս էմոցիան,- այս խոսքերով է Վրաստանի վարչապետ Մամուկա Բախտաձեն դիմել վրացական սփյուռքի կազմակերպությունների ներկայացուցիչներին, որոնց այսօր հյուրընկալել է Վաշինգտոնում, Վրաստանի դեսպանությունում:

Մամուկա Բախտաձեն ընդգծել է սփյուռքի հետ հարաբերության առաջնահերթությունը և նշել, որ յուրաքանչյուր վրացի մեր հայրենիքի ակտիվն է:

«Դուք հայրենասիրական գործ եք անում և ցանկանում եմ ձեր նկատմամբ դրսևորել հարգանք: Վրաց լեզվի պահպանումը մեր սփյուռքում մեծ գործ է և այս հարցը 2019 թվականին ներկայացված կլինի առավել բարձր առաջնահերթությունում: Կրթության բարեփոխման գլխավոր կետը հենց վրացերենի ժողովրդականացումը և պահպանումն է մեր սփյուռքում: Այս տեսանկյունից շատ կարևոր ռեսուրս է ներդրվել արդեն մեր հաջորդ տարվա բյուջեի նախագծում»,- դիմել է վարչապետը սփյուռքի ներկայացուցիչներին:

Մամուկա Բախտաձեն հատկապես նշել է վրաց զինվորականների գործունեությունը և նշել, որ Վաշինգտոնում անցկացված հանդիպումներին բոլորը նշում են նրանց առանձնահատուկ դերը: