Ուկրաինայի գլխավոր շտաբի տվյալներով՝ ուկրաինական զորքերը Պոկրովսկում ռուսական զորքերով շրջապատված չեն
Ուկրաինայի Գլխավոր շտաբը հայտարարում է, որ Ռուսաստանի կողմից արված հայտարարությունը, թե իբր ուկրաինական բանակը այլընտրանք չուներ, քան հանձնվելը, իրականությանը չի համապատասխանում: Նրանց խոսքով՝ ուկրաինական զորքերը Պոկրովսկում շրջապատված չեն։
«Միջոցառումներ են ձեռնարկվում Պոկրովսկում թշնամու ներթափանցման և կենտրոնացման փորձերը կանխելու համար: Կա նաև ակտիվ դիմադրություն թշնամու հետևակային խմբերի կողմից դիրքերի բարելավմանը», – ասվում է Ուկրաինայի Գլխավոր շտաբի հայտարարության մեջ։
Նրանց խոսքով՝ ուկրաինական ուժերը փորձում են բարելավել Պոկրովսկի և Միրնոգրադի շրջանների շուրջ լոգիստիկ ճանապարհների վիճակը։
Ռուսաստանի պաշտպանության նախարարությունն այսօր հայտարարել է, որ Պոկրովսկում և Կուպյանսկում գտնվող ուկրաինական զորքերը շրջապատված են, և, բացառությամբ կամավոր հանձնվելու, նրանք գոյատևման ոչ մի շանս չունեն։
Այնուամենայնիվ, ըստ Reuters-ի, մարտական քարտեզները ցույց են տալիս, որ ռուսական ուժերը գտնվում են Պոկրովսկիի լիակատար շրջափակումից մի քանի կիլոմետր հեռավորության վրա, վերահսկում են Կուպյանսկի զգալի մասը և առաջ են շարժվում դեպի քաղաք տանող գլխավոր ճանապարհով։