Ուկրաինայի արտգործնախարարը հայտարարել է, որ Կիևը աջակցում է Թուրքիային՝ որպես Վոլոդիմիր Զելենսկու և Վլադիմիր Պուտինի հանդիպման վայր
Ուկրաինայի արտաքին գործերի նախարար Անդրեյ Սիբիգայի խոսքով՝ Կիևը կողմ է, որ Թուրքիան լինի Ուկրաինայի և Ռուսաստանի առաջնորդների հանդիպման վայրը։
Նախարարը շնորհակալություն է հայտնել Թուրքիային նման ջանքերի և բարձր մակարդակի հանդիպում կազմակերպելու պատրաստակամության համար։
«Մենք կարծում ենք, որ Թուրքիան Զելենսկու և Պուտինի հանդիպման հիմնական վայրերից մեկն է։ Մենք ունենք կոնկրետ առաջարկներ, թե ինչպես վերջ դնել այս պատերազմին։ Ուկրաինան ձգտում է խաղաղության, և մենք շարունակում ենք հավատարիմ մնալ բոլոր ընթացիկ խաղաղության ջանքերին, այդ թվում՝ Միացյալ Նահանգների մասնակցությամբ ձեռնարկվողներին։ Մենք նաև ակնկալում ենք, որ Եվրոպան նոր դեր կխաղա այս խաղաղության ջանքերում», – նշել է Անդրեյ Սիբիգան։