Ուկրաինական լրատվամիջոցներ – Ռուս զինվորականները գրավել են Սումիի մարզի Յաբլոնովկա բնակավայրը
Ռուս զինվորականները գրավել են Ուկրաինայի Սումիի շրջանում գտնվող բնակավայր։ Այս մասին տեղեկացնում են ուկրաինական լրատվամիջոցները։
Ուկրաինական վերլուծական «Դիփ Սթեյթ» նախագծի տվյալներով՝ ռուսական բանակը գրավել է Յաբլոնովկա գյուղը, ինչպես նաեւ առաջընթաց է գրանցել Յունակովկա, Խատնեգա, Ռոմանովկա եւ Տորեցկի մերձակայքում։
Ուկրաինայի Զինված ուժերի գլխավոր շտաբի տվյալներով՝ վերջին մեկ օրվա ընթացքում տեղի է ունեցել 138 մարտական բախում։
Ուկրաինական ԶԼՄ-ների հաղորդմամբ՝ Կուպյանսկի ուղղությամբ Ռուսաստանը երեք հարձակողական գործողություն է իրականացրել, իսկ Լիմանի ուղղությամբ Ուկրաինայի պաշտպանության ուժերը հետ մղել են ռուսական 19 հարձակում։
Ինչպես նշում են լրատվամիջոցները, նախորդ օրվա ընթացքում ռուսական բանակը երկու անգամ հարձակվել է Բելայա Գորա շրջանի ուղղությամբ Կրամատորսկի մոտակայքում, ուկրաինական ստորաբաժանումները հետ են մղել երկու հարձակումը։